Contenuto

La Bolla del pontefice Adriano

con la quale conferma all’arcivescovo di Trani Bertrando tutti i possedimenti della sua Chiesa ecc. e dalla quale risulta chiaramente che la diocesi di Trani comprende solo le cittą di Trani, Corato e Barletta.

Bisceglie e Andria — quest’ultima di recente istituzione — sono sedi vescovili e centri di diocesi, tuttavia “suffraganee” dell’archidiocesi tranese.

Da A. Prologo, le Carte che si conservano nell’Archivio del Capitolo Metropolitano della cittą di Trani.
Doc, XLVII - Anno 1159.
«Adrianus Episcopus servus Servorum Dei Venerabili fratri Bertrando Tranensi Archiscopo eiusque successoribus canonice substituendi in perpetuum. Cum ex iniuncto nobis a deo apostolatus officio quo cunctis Xsti fidelibus ex superni dispositione arbitrii preminemus, singulorum paci et tranquillitati debeamus intendere. presertim pro illorum quiete oportet nos esse sollicitos, qui pastorali dignitate sunt prediti. et ad officium pontificale promoti. Nisi eorum utilitatibus intendentes. ipsorum iura in quantum deo permittente possum integra conservemus. et apostolica auctoritate eos a pravorum incursibus defendamus. de illorum salute non vere possunt esse solliciti. qui sibi ad regendum domino sunt disponente commisi. Ea propter venerabilis in Xsto frater archiepiscope tuis iustis postulationibus gratum imperitum assensum. et prefatam Tranensem ecclesiam qui deo auctore preesse dinosceris sub beati Petri et nostra protectione suscipimus. et presentis scripti privilegio communimus. Statuentes ut quascumque possessiones. quecumque bona eadem ecclesia impresentiarum iuste et canonice possidet. aut in futurum concessione pontificum largitione regum vel principum. oblatione fidelium. seu aliis iustis modis prestante domino poterit adipisci. firma tibi tuisque successoribus et illibata permaneat. Statuimus autem ut debitam et consuetam portionem oblationum vivorum et mortuorum in parochia tua TRANO scilicet. BARULO et CURATO. tam tu quam successores tui habere absque contradictione aliqua debeatis. Adiciens ut nullus in parrochia tua sine licentia et assensu tuo ecclesiam vel quodibet oratorium edificare presumat. Decernimus ergo ut nulli omnino hominum liceat prefatam ecclesiam temere perturbare aut eius possesiones auferre. vel ablatas retinere. minuere. seu quibuslibet vexationibus fatigare. sed illibata omnia et integra conserventur. eorum pro quorum gubernatione et substentatione concessa sunt usibus commodis profutura. salva sedis apostolice auctoritate. Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit. Secundo tertiove commonita nisi presumptionem suam congrua satisfactione correxerit. potestatis honerisque sui dignitate careat reamque se divino iudicio existere. de perpetrata iniquitate cognoscat. et a sacratissimo corpore ac sanguine dei et redemptoris nostri jesu xsti aliena fiat. atque in extremo examine districte ultioni subiaceat. Cunctis aute, eidem loco sua iura servantibus. sit pax domini nostri jehsu xsti. Quatinus et hic fructus bone actionis percipiant. et apud districtum iudicem premia eterne pacis inveniant. Amen amen amen.
Ego Adrianus Catholice Ecclesie Episcopus SS. Ego Gregorius Sabinensis Episcopus SS. Ego hubaldus hostiensis episcopus SS. Ego Galterius albanensis episcopus SS. Ego Hubaldus cardinalis tituli sancte crucis in iehrusalem SS. Ego Johannes presbiter Cardinalis Sanctorum Johannis et Pauli tituli Pamachii SS. Ego Ildebrandus presbiter cardinalis basilice duodecim apostolorum SS. Ego Oddo diaconus Cardinalis Sancti Gregorii ad velum aureum SS. Ego Jacintus diaconus cardinalis sancte Marie in cosmydyn SS. Ego Oddo diaconus cardinali Sancti Nicolai in Carcere Tulliano SS. Ego Ardicio diacono Cardinalis Sancti Theodori Ss. Ego Bono diacono Cardinalis Sanctorum Cosme et Damiani:

Data laterani per manum Rolandi sancte romane ecclesie presbiteri cardinalis et Cancellarii.
XIII Kalendas Mai. Indictione VII incarnationis dominice Anno MCLVIIII.
Pontificatus vero domini Adriane pape IIII anno Quinto.

[da “Andria nel Medioevo” di Pasquale Barbangelo, Tip. Guglielmi, Andria, 1985, pagg. 152-154]