di Mons. Gioan Giuseppe Longobardi (vescovo di Andria dal 1852 al 1870)
Anno a Circumcisione Ipsius MDCCCLVII, indictione XV., die vero duodecima mensis octobris Anni millesimi octingentesimi quinquagesimi septimi, Pontificatus SS.mi Domini Nostri Pii Papę IX. Anno undecimo.
Sex Parochialibus Ecclesiis in hac Andrien Civitate, Cathedralis videlicet, S. Nicolai, S. Augustini, SS.mę Annuntiatę, S. Dominici, et S. Francisci,
noviter erectis, ut Vicarii Curati temporanei Patentatibus Litteris per hanc R.mam Episcopalem Curiam nominati atque instituti,
in earum immitterentur possessionem, Fontesque in quatuor extremis Ecclesiis Baptismales benedicerentur,
Exc.mus et R.mus Dominus Joannes Joseph Longobardi Dei et Apostolicę Sedis Gratia Episcopus Andriensis,
die undecima ejusdem mensis octobris et anni, Dominica pręcise secunda, recurrente Festo Maternitatis Beatę Marię Virginis,
de mane hora decima tertia circiter e suo Episcopali Palatio cum interventu Ill.mi et R.mi Domini Aloysii Carvelli Vicarii Generalis,
mei infrascripti Cancellarii, quorumdam Ecclesię Cathedralis Canonicorum, Vicariorumque Curatorum, totoque comitante Seminario Pontificalibus indutus,
processionaliter ad S. Augustini Ecclesiam accessit, ibique primum pręsentatis ad R.ndum Dominum Antonium
Mansionarium Quacquarelli Patentatibus Litteris sui Curati Vicariatus sub die decima mensis octobris Anni millesimi octingentesimi quinquagesimi septimi concessis,
Ill.mo et R.mo D.no Vicario Generali pręsenti et recipienti, qui omni quo decet obsequio illis receptis,
et per me infrascriptum lectis verbo ad verbum pro illorum executione, ipsum R.ndum Dominum Antonium Mansionarium Quacquarelli in temporaneam,
ad beneplacitum, possessionem dicti Curati Vicariatus immisit, eumque in centum ducatos annuos pro Congrua fructuum portione,
una cum incertis proventibus posuit et induxit: quam possessionem idem R.ndus D.nus adeptus est per Bireti impositionem in capite ejus,
per claves tantum, et per Ecclesiam stando et deambulando, aliosque actus faciendo, qui denotant veram et realem possessionem,
quamvis temporaneam et ad beneplacitum Ordinarii, pacifice, quięte, et nemine contradicente. Deinde mandatum ejus Coadjutori
R.ndo D.no Richardo Mansionario Tibis lectum est, quo ducati quinquaginta cum incertis emolumentis assignabantur.
Exc.mus autem et R.mus Episcopus propria oratione frequenti populo allocutus est, qua peracta, sollemni ritu, quo decebat,
ad Fontis Baptismalis Pontificalem Benedictionem, uti ex Romano Rituali, processit. Venerabile postea Sacramentum expositum fuit,
et hymno Ambrosiano cantato, Vicarius Curatus prędictus Benedictionem SS.mi populo ibidem congregato impartiebatur.
Ex Ecclesia S. Augustini ad Ecclesiam SS.mę Annuntiatę eodem ordine ac processione perventum est. Ibique in possessionem ejus Curati Vicariatus R.ndo D.no Xaverio Mansionario Cannone, eodem processu quo supra, immisso, ę ejus Coadjutore R.ndo D.no Thoma Mansionario de Simone simili pacto, quo alius Coadjutor, instituto, eadem Baptismalis Fontis Benedictio, stipato populo Exc.mi Episcopi allocutio, eademque sacra Functio, ut in Ecclesia S. Augustini, solemniter fuerunt peractę.
Pari modo quo pręfatis Ecclesiis, ad S. Dominici Ecclesiam ingressum est: ibique similiter R.ndo D.no Richardo Mansionario Avantario ejus Curati Vicariatus possessione data, una ejus Coadjutori R.ndo D.no Nicolao Mansionario Torella, Fontis Baptismalis Benedictio, R.mi Pręsulis allocutio, eademque Sacra persoluta sunt.
Eadem demum Processione ad S. Francisci Ecclesiam accessum est, ubi R.ndo D.no Vincentio Mansionario Dell’Oglio possessione ut supra peracta, ęque ac ejus Coadjutori R.ndo D.no Carolo Mansionario Marziani, Exc.mus et R.mus Antistes Baptismalem Fontem benedixit, populo pariter locutus est, et Ambrosianum post hymnum idem populus a Vicario Curato Benedictione Venerabilis donabatur.
Pro aliis autem duobus Vicariis Curatis, Ecclesię nimirum Cathedralis, et Ecclesię Collegiatę S. Nicolai, opus tantummodo fuit, Litteras Patentales Curati Vicariatus R.ndo D.no Francisco Canonico Bisceglia, mandatumque ejus Coadjutori R.ndo D.no Conrado Mansionario Casieri pro Ecclesia Cathedrali, easdemque Litteras R.ndo D.no Sebastiano Canonico Jnchincolo, idemque mandatum R.ndo D.no Richardo Mansionario Sgarra pro Ecclesia Collegiata S. Nicolai, ut animarum curam exercerent, expediri: respectivę enim Ecclesię Baptismalibus Fontibus pro anteriori abrogato exercitio satis jam erant instructę.
Super quibus omnibus ego Episcopalis Curię Cancellarius pręsens hoc publicum Instrumentum confeci, pręsentibus R.ndo D.no Alexandro Parlati, et R.ndo D.no Francisco Canonico Leonetti, testibus rogatis et vocatis, aliisque pro testibus. In quorum etc.
Adest Sigillum.
Joachim Canonicus Montaruli pro Curia Cancellarius.
Alexander Canonicus Parlati pro teste interfui.
Franciscus Canonicus Leonelli pro teste interfui.
[Tratto da: “Atti relativi alla Erezione delle sei Parrocchie della Cittą di Andria, Fatta dall’Ill.mo e Rev.mo Mons. D. Gioan Giuseppe Longobardi Vescovo della medesima Cittą, in conformitą del Decreto Pontificio del 23 APRILE 1857, e del Sovrano Beneplacito del 31 agosto 1857, seguiti da taluni documenti anteriori, propri ad argomentare della estrema necessitą di tale erezione”, Napoli, Tipografia di Gaetano Gardamone, 1858.]