«Alfonsus etc. Universis et singulis presentes literas inspecturis tam presentibus quam futuris Utilitates et comoda nostrorum fidelium undique exquirimus et ipsi more pij patris compacientes de alicuius subvencionis beneficio prompte et liberaliter providimus. Et dum ipsorum nostrorum subditorum et fidelium comoda procuramus animamus alios exemplo simili ut fervencius circa statum nostri honoris et nominis se disponant. Sane actendentes fidelitatis constanciam universitatis et hominum civitatis Andrie de provincia Terre Bari nostrorum fidelium dilectorum pro consideracione quoque grandium et utilium serviciorum diversimode oportunis temporibus nostre Maiestati prestita et impensa per Illustrem et Magnificum Virum Franciscum de Baucio Ducem dicte civitatis Andrie qui apud nostram Maiestatem pro infrascripta gracia humiliter supplicavit multaque maiori gracia dignus a nobis censetur. Eosdem Universitatem et homines ipsius civitatis Andrie et singulares et particulares homines civitatis eiusdem ab imposicionibus et solucionibus juris Salis per nos et nostram Cameram ac heredes et successores nostros impositi et imponendi pro quibuscumque causis et racionibus tam generaliter quam specialiter et per mosdem Universitatem et homines debiti et debendi ad quamcumque summam ascendat tenore presentis ed certa nostra sciencia imperpetuum immunes et exemptos ac francos facimus ipsos Universitatem et homines imposicionibus qui buscumque salis factis et faciendis nullo unquam tempore comprehendi volumus sed ab eis penitus liberos facimus. Ita quod Universitates et homines ipsi et singulares persone ipsius ad solucionem prefati juris Salis dictam Univertitatem contingentis per nos eis graciose remissa et relaxata nullo unquam tempore teneantur nec ad dicti salis receptionem et illius solucionem astringantur impetantur seu vexentur realiter vel personaliter aut aliter quovismodo, jmmo ab eadem salis imposicione et solucione ex nunc in antea omni futuro tempore franci sint immunes pariter atque liberi. Quapropter Illustrissimo et carissimo filio nostro Ferdinando de Aragonia Duci Calabrie primogenito et locumtenenti nostro generali post quam nostros felices dies in hoc Regno indubitato successori intentum nostrum declarantes Magnifico viro huius Regni Magno Camerario eiusque locumtenenti presidentibus et Racionalibus Camere nostre Summarie Thesaurario generali et ceteris Thesaurarii Erariis collectoribus et exactoribus juris dicti salis impositi et imponendi ac Magistro Portulano parcium Apulie et ceteris officialibus et subditis nostris quibuscumque ad quos seu quem spectet dictorum officialium locatenentibus presentibus et futuris harum serie de certa nostra sciencia damus expressius in mandatis quatenus forma presentis per eos et eorum quemlibet diligenter actenta illam ipsam et cuiuslibet eorum prefatis Universitati et hominibus dicte civitatis Andrie singularibusque personis ipsius observent et faciant ab aliis inviolabiliter observari ipsosque ad receptionem ac solucionem dicti salis eamdem Universitatem contingentis per nos eis imperpetuum remissa nullo unquam tempore in genere vel in specie cogant coerceant seu compellant in ipsorum personis vel bonis. Quin jmmo revocentur et revocari faciant prorsus in irritum quod per eos ant alios vel alium ipsorum in presentem derogacionem actentatum esset seu fieri vel actentari forte contingerit per presentem seriem. Et contrarium non faciant aut fieri permictant quavis causa. In cuius rei testimonium presentes fieri jussimus Magno pendenti Maiestati nostre sigillo munitas.

Datum in Castello Novo civitatis Neapolis die primo Augusti prime (sic) indictionis Anno a nativitate Domini MCCCCLVII Regnique nostri huius Sicilie citra farum anno XVIIII aliorum vero Regnorum nostrorum anno XXXVIII. Rex Alfonsus.

Dominus Rex mandavit mihi Arnaldo Fonelleda et viderunt Valentinus Claver Vic. pro Magno Camerario et pro Regii patrimonij generalis Consil. Solvat uncias quinque Not. per Mactherum Johannem penes Magnum Camerarium. Registrata in Cancelleria penes Cancellarium in Registro II.»